مەودا میدیا-

سەرۆكی دەستەی حەشدی شەعبی  داوای لە چەکدارانی حەشد کرد بەهیچ جۆرێك و لەژێر هیچ ناوێكدا لە گۆڕەپانەكانی خۆپیشاندان نزیك نەبنەوە. 

فالح فەیاز، سەرۆكی گشتیی دەستەی حەشدی شەعبی راگەیەنراوێکی بڵاوکردەوە وتێیدا، فەرمانی بە چەکدارانی سەربە گرووپەکانی حەشد کرد، بەهیچ جۆرێك و لەژێر هیچ ناوێكدا لە گۆڕەپانەكانی خۆپیشاندان نزیك نەبنەوە.

هەر لە راگەیاندراوەکەدا فالح فەیاز، هەڕەشەی سزای توند و لەسەر كارلابردنی هەر ئەندامێكی حەشدی شەعبی كردووە كە لە راسپاردەكان لابدەن و سەرپێچی ئەم فەرمانە بكەن.