مەودا نیدیا- 

بەڕێوەبەرایەتیی پۆلیسی هەولێر دەستگیرکردنی تۆمەتبارێکی راگەیاند بە تۆمەتی هەڕەشەکردن لە دراوسێکانی و هاوڵاتییان تەقەکردن بەبێ هۆکار.

 لە راگەیەندراوەکەی پۆلیسی هەولێر هاتووە "بەشی پۆلیسی دەشتی هەولێر، بنکەی پۆلیسی دەشتی هەولێر، تۆمەتبارێکیان بەناوی (ا. ح. ح) دەستگیر کرد، کە بەپێی مادە (431) لە یاسای سزادان، فەرمانی دەستگیرکردنی هەبوو".

ئەوەشخراوەتەڕوو "تۆمەتباری ئاماژەپێکراو کە هەڕەشەی کوشتنی لە دراوسێکانی و هاووڵاتیان دەکرد و چەند جارێک بێ هۆکار تەقەی لە خەڵک و کۆڵانەکەیان کردبوو، لە کاتی دەستگیرکردنیدا دەست بەسەر چەکێکی جۆری (کلاشنکۆف) و مەخزەنێک و ژمارەیەک فیشەکی زیندوودا گیرا، بۆیە بە بڕیاری بەڕێز دادوەری لێکۆڵینەوە و بەپێی هەمان ئەو مادە یاساییەی سەرەوە راگیرا".

س.ر