مەودا میدیا-

سەرۆكی شارەوانی سلێمانی بۆ تاوتوێكردن ژمارەیەك پرۆژە لەگەڵ بەشی ماستەر پلانی شارەوانییەكە كۆبووەتەوە و لە كۆبوونەوەكە باس لە دروستكردن و بەگەڕخستنی ژمارەیەك كارگە كرا بۆ فەراهەمكردنی هەلی كار لە شاری سلێمانی.

لەیلا عومەر، سەرۆكی شارەوانی سلێمانی ئەمڕۆ یەکشەممە 15ی تشرینی یەكەمی 2022 لەگەڵ بەشی ماستەرپلانی شارەوانی كۆبوونەوەیەكی ئەنجامدا، كۆبوونەوەكە بەمەبەستی بەدواداچوون و باشتركردن و رێكخستنەوەی كۆمەڵێك پرۆژە و كار و پلانی ستراتیژی بوو لە شاری سلێمانی.

ئەوەش راگەیەندراوە "لە بەشێكی ئەو كۆبوونەوەیەدا، تیشك خراوەتەسەر مامەڵەكانی دروستكردن و بەگەڕخستنی كۆمەڵێك كارگە و پێشخستنی بواری پیشەسازیی و فەراهەمكردنی ژمارەیەك هەلی كار لە شاری سلێمانی".

ك م