مەودا میدیا-

بەڕێوەبەرایەتیی هاتوچۆی سلێمانی ئاگاداری شۆفێران دەکاتەوە کە هه‌ردوو سایدی شه‌قامی سه‌ره‌كی راپه‌ڕین به‌رده‌م زانكۆی ئه‌مەریكی‌ و به‌رده‌م كه‌مپی نوێی زانكۆی سلێمانی به‌ربه‌ستكراوه‌.

ئەمڕۆ دووشەممە 17ی تشرینی یەکەمی 2022 به‌ڕێوه‌به‌رایه‌تیی هاتوچۆی سلێمانی رایگەیاند "هاوڵاتییان‌ و شۆفێران ئاگادارده‌كەینەوە هه‌ردوو سایدی شه‌قامی سه‌ره‌كی راپه‌ڕین به‌رده‌م زانكۆی ئه‌مریكی‌ و به‌رده‌م كه‌مپی نوێی زانكۆی سلێمانی به‌ربه‌ستكراوه‌".

ئاماژە بەوەکراوە "هاتوچۆی سلێمانی شۆفێران ئاگادارده‌كاته‌وه‌، ئه‌و شه‌قامه‌ به‌كارنه‌هێنن‌و ده‌توانن ڕێگه‌ی هاتن‌ و چوون له‌ شه‌قامی قوله‌ڕه‌یسی به‌ره‌و راپه‌ڕین‌ و به‌پێچه‌وانه‌وه‌ به‌كاربهێنن تا ئه‌وكاته‌ی هاتوچۆكردن له‌ شه‌قامه‌كه‌ ئاسایی ده‌بێته‌وه‌".

بەپێی زانیارییەکانی مەودا میدیا، هۆکاری داخستنی شەقامەکە بەهۆی خۆپیشاندانی خوێندکارانی زانکۆی سلێمانییەوە بۆ پێدانی دەرماڵەکانیان.

س،ر