مەودا میدیا-

وەزارەتی سامانەسروشتییەكان لە روونكردنەوەیەكدا نرخی ئەو نەوتە سپییە ئاشكرا دەكات كە لە 20ی ئەم مانگەوە دابەشدەكرێت و دەڵێت "ئەو نرخە لەلایەن حكومەتەوە پاڵپشتی كراوەو هاووڵاتی 35% دەدات".

وەزارەتی سامانە سروشتییەكانی حكومەتی هەرێم لە روونكردنەوەیەكدا رایگەیاندووە "هەر وەكو بەڵێن درابوو لە 20ی ئەم مانگەوە دەست بەدابەشكرنی نەوتی سپی لە ناوچە شاخاوییەكان دەكرێت و بۆ ئەم مەبەستەش هەموو خێزانێك 200 لیتر نەوتی سپی بە نرخی 100 هەزار دینار پێ دەدرێت". 

راشیگەیاندووە "ئەم نرخە بەڕێژەی لە 65% لەلایەن حكومەتەوە پاڵپشتیكراوەو هاوڵاتی لە 35%ی دەدات".

باسی لەوەشكردووە "هەر كاتێك حكومەتی فیدراڵ نەوتی سپی بۆ هەرێمی كوردستان بنێریت، بەو نرخە دەدرێتە هاوڵاتیان كە لەلایەن حكومەتی فیدراڵەوە دیاری دەكرێت".

ك. م