مەودا میدیا-  

حكومەتی هەرێمی كوردستان فەرمانی لێخۆش بوون بۆ یەك هەزارو 659 تاوانبار دەردەكات و باس لەوەشدەكرێت "لێخۆش بوونەكە تەنها ئەو كەسانە دەگرێـتەوە كە كارمەندی هێزەكانی ئاسایشی ناوخۆبوون و هەڵاتوون لەكارەكانیان".

ماڵپەڕی فەرمانگەی میدیا و زانیاری حكومەتی هەرێمی كوردستان بڵاویكردووەتەوە "پاڵپشت بە فەرمانی ھەرێمی لە رێكەوتی 27ی تشرینی دووەمی 2022، مەسرور بارزانی سەرۆكی حكومەتی هەرێمی كوردستان، فەرمانی لێخۆشبوون بۆ یەك هەزار و 659 كارمەندی حوكمدراوی هێزەكانی ئاسایشی ناوخۆ كە تاوانی هەڵاتنیان ئەنجامداوە و ئەركەكانیان جێهێشتووە دەردەكات".

باس لەوەشكراوە "ئەم لێبووردنە تایبەتە و تەنها ئەو حوكمدراوانە دەگرێتەوە كە تەنها تاوانی هەڵاتنیان ئەنجامداوە و هیچ سزایەكی تەبەعی و تەكمیلی و ئاسەوارێكی سزایی تر ناگرێتەوە ".

ك م