مەودا میدیا-

قائیمقامی قەزای پێنجوێن رایگەیاند "بە هۆی بەفربارین و نزمبوونەوەی پلەكانی گەرما سبەینێ لە خوێندنگەكانی پێنجوێن و دەوروبەری پشووی رەسمی دەبێت".

زانا رەحمان، قائیمقامی قەزای پێنجوێن رایگەیاندووە "بەهۆی نزمبوونەوەی پلەكانی گەرما و بەردەوام بوونی بارینی بەفر لەسنوری قەزاكەماندا بەڕاوێژ لەگەڵ بەڕێوەبەرایەتیی پەروەردەی پێنجوێن بڕیارماندا سبەینێ پێنجشەممە رێكەوتی (4-1-2023) پشووی رەسمی بێت".

راشیگەیاندووە "پشووەكە سەرجەم خوێندنگاكانی سنوری هەردوو ناحیەی گەرمك و ناڵپارێز و ناو قەزای پێنجوێن دەگرێتەوە".

راگەیاندنی پشوو لە خوێندنگەكانی پێنجوێن لەكاتێكدا پێشتر ئالان حەمەسەعید، وەزیری پەروەردەی هەرێم رایگەیاند "بۆ راگەیاندنی پشوو بەهۆی كەشوهەواوە دەسەڵاـ دراوەتە پارێزگاو ئیدارە سەربەخۆكان و لەكاتی ناجێگیری كەشوهەوا دەتوانن ئەو رۆژە بكەنە پشوو".

ك م