مەودا میدیا-

بەڕێوەبەرایەتیی دارستان و ژینگەی پارێزگای سلێمانی ئاماری چالاکییەکانی لە ساڵی 2022ی راگەیاند، بەپێی ئامارەکە بێت لە ساڵی رابردوودا بەهۆی سەرپێچییەکانەوە 683 دەستگیرکراون.

ئەمڕۆ یەکشەممە 8ی کانونی دووەمی 2023 هێمن کەمەرخان، وتەبێژی پۆلیسی دارستان و ژینگەی پارێزگای سلێمانی ئاماری چالاکییەکانی لە ساڵی 2022ی لە کۆنگرەیەکی رۆژنامەوانیدا راگەیاند، بەپێێ ئامارەکە بێت بەهۆی سەرپێچییەکانەوە 683 کەسیان دەستگیرکردووە.

وتەبێژی پۆلیسی دارستان و ژینگەی سلێمانی بەمشێوەیە ئامارەکەی خستەڕوو:

- 99 کەس بەهۆی راوی باڵندەی کێوی.

- 29 کەس بەهۆی راوکردنی ئاژەڵی کێوی.

- 119 کەس بەهۆی زێدەڕۆیی.

- 55 کەس بەهۆی راوی ماسی.

- 47 کەس بەهۆی خەڵوزکردن.

- 208 کەس بەهۆی بیرلێدان.

- 110 کەس بەهۆی داربڕین.

- 16 کەس بەهۆی کەوتنەوەی ئاگر.

وتەبێژی بەڕێوەبەرایەتی پۆلیسی دارستانی سلێمانی ئەوەشی خستەڕوو "ساڵی رابردوو دەستمان بەسەر چەندین ئامێری جۆراوجۆری راوکردن، داربڕین و بیرلێداندا گرتووە"، کە بەم جۆرە بووە:

 

- زیاتر لە 600 ماسی راوکراوی قەبارە جیاواز دەستیان بەسەردا گیراوە.

- 454 تۆڕ.

- 7 بەلەم.

- 15 موەلیدە.

- 124 ئامێری بیرلێدان.

- 49 ئۆتۆمبێل.

- 33 ماتۆڕسکیل.

- 16 چەقۆ.

- 1000 فەردە خەڵوز

- 25 تاپڕ.

- 47 داو و 34 قەفەس.

- 28 لایت و بلاجیکتۆر.

- 5 کلاشینکۆف، 10 بادی و یەک m4.

- 1500 دۆنم پوش و پاوان و داری سرووشتی سووتاون.

- 72 باڵندەی هەمەجۆر ئازادکراون.

- 176 باڵندەی کێوی راوکراو دەستیان بەسەرداگیراوە.

- زیاتر لە 5000 هەزار داری سرووشتی بڕدراون.

س.ر