مەودا میدیا-

رۆژی 28ی كانونی یەكەمی ساڵی رابردوو لە ناحیەی شوان ژنێك بەناوی هێرۆ لە ناوماڵەكەیدا كوژرا و دواتر باس لەوەكرا لەلایەن ژمارەیەك چەكدار چوونەتە ماڵەكە و پیاوەكەیان قۆڵبەستكردووە و ژنەكە كوژراوە بەڵام لە ئێستادا پۆلیس ئەو دەنگۆیە رەتدەكاتەوە و ئاشكرایدەكات "پیاوەكەی ژنەكەی كوشتوە و لە بەردەم دادوەریش دانی بەتاوانەكەیدا ناوە".

عامر شوانی، وتەبێژی پۆلیسی كەركوك رایگەیاندووە "دوای لێكۆڵینەوە دەركەوتووە هاوسەری هێرۆ "بكوژەكەیە" كە پێشتر بە پۆلیسی وتبوو چەكدار هێرشی كردووەتە سەر ماڵمان و قۆڵبەستیان كردووم و ژنەكەمیان كوشتووە".

باسی لەوەشكردووە "پیاوەكە لە بەردەم دانی بەتاوانەكەیدا ناوە و ئەو چەقۆ و چەكەش تاوانەكەی پێ ئەنجامدراوە دەستی بەسەردا گیراوە".

ك م