مەودا میدیا-

لە رووداوێكی هاتوچۆدا لە گەرمیان دوو كەس بریندار بوون و بەڕێوەبەرایەتیی هاتوچۆی گەرمیانیش دەڵێت "رووداوەكە بەهۆی وەرگەڕانی ئۆتۆمبێلێكی جۆری كیا مینی پاص بووە".

بەڕێوەبەرایەتیی هاتوچۆی گەرمیان بڵاویكردووەتەوە "ئەمڕۆ دووشەممە 9ی كانوونی دووەمی 2023 لەسەر رێگای كەلار - كفری نزیك بەنزینخانەی میر شۆفێری ئۆتۆمبێلێكی جۆری (كیا مینی پاص) بەئاراستەی كفری رۆشتووە و بەهۆی خێرایی لێخوڕینەوە كۆنترۆڵی لەدەستداوە و وەرگەڕاوە".

باسی لەوەشكردووە "لە ئەنجامی رووداوەكە دوو سەرنشین برینداربوون و زیانی ماددیش بەر ئۆتۆمبێلەكە كەوتووە و تیمەكانی بەشی هاتوچۆی كفری لێكۆڵینەوەی لە رووداوەكە دەستپێكردووە".

ك م