مەودا میدیا-

پۆلیسی سلێمانی رایگەیاندووە "مەفرەزەكانی بنكەی پۆلیسی كوردسات تۆمەتبارێكیان دەستگیركردووە كە لە دادگای لێكۆڵینەوەی كۆیە فەرمانی گرتنی هەبووە".

بەڕێوەبەرایەتی گشتیی پۆلیسی سلێمانی بڵاویكردووەتەوە "دوای ئەوەی فەرمانێكی دەستگیركردن لە دادگای لێكۆڵینەوەی كۆیە گەیشتە بەڕێوەبەرایەتی پۆلیسی پارێزگای سلێمانی، بەڕێوەبەری پۆلیسی پارێزگای سلێمانی بنكەی پۆلیسی كوردساتی راسپارد كە بەدواداچوون و لێكۆڵینەوە بكەن بۆ دۆزینەوەو دەستگیركردنی تۆمەتبار".

باسی لەوەشكردووە "دوای گەڕان و بەدواداچوونەكان توانرا تۆمەتبار بدۆزرێتەوە و لەلایەن بنكەی پۆلیسی كوردساتەوە دەستگیربكرێت".
پۆلیسی سلێمانی راشیگەیاندووە "لەئێستادا تۆمەتبار ( ح، م، ر ) بەبڕیاری دادوەرو بەپێی ماددەی 289 لەیاسای سزادانی عیراقی راگیراوەو دوای تەواوكردنی رێكارە یاساییەكان رەوانەی شوێنی داواكراو دەكرێتەوە".

ك م