مەودا میدیا-

شارەزایەكی كەشوهەوا پێشبینییەكانی بۆ رۆژی چوارشەممە رایگەیاندووە و ئاشكرایكردووە "لەناوچە شاخاوییەكان و بەشەو پلەكانی گەرما دەگاتە 5 - پلە ژێر سفری سەدی".

پشتیوان ئیبراهیم، شارەزای كەشناسی رایگەیاندووە "پێشبینی دەكرێت بۆ رۆژی چوارشەممە بەهۆی بەردەوامی بەرزە پەستانی باكور ئاسمان خۆربێت و پلەكانی گەرما بە رۆژ یەك پلە بەرزببێتەوە و بەشەوان نزم دەبێتەوە بۆ 5پلە ژێر سفری سەدی".

ئاماژەی بەوەشكردووە "پلەكانی گەرما لەناوچە شاخاوییەكان زیاتر دادەبەزێت و دەگاتە 5 پلە ژێر سفری سەدی و بەستن روودەدات و خێرایی بای باكوری رۆژهەڵاتیش بەردەوامی دەبێت لە 15 بۆ 30 كم دەبێت لە كاتژمێرێكدا و بەپێ كات و شوێنیش گۆڕانكاری روودەدات".

ك م