مەودا میدیا -

 

وەزارەتی شارەوانیی و گەشتوگوزاری حکومەتی هەرێمی کوردستان رایدەگەیەنێت 452 ملیۆن دینار بۆ دروستکردنی چەد پرۆژەیەکی خزمەتگوزاریی لە سلێمانی تەرخانکرا.

 

ئەمڕۆ سێشەممە 6ی حوزەیرانی 2023 وەزارەتی شارەوانیی و گەشتوگوزاری حکومەتی هەرێمی کوردستان رایگەیاند  "بە گوژمی 452 ملیۆن دینار چەند پرۆژەیەکی خزمەتگوزاریی لە سلێمانی جێبەجێدەکرێت و لەوانەش دروستکردنی شەقامێکی 30 مەتریی و دروستکردنی ئاوەڕۆی باراناوە".

 

ئاماژەی بەوەشکردووە "لە %15ی ئەو گوژمەیە لەسەر داهاتی سەرۆکایەتیی شارەوانیی سلێمانییە و ئەو شەقامە 30 مەترییە لەنێوان گەڕەکی جیاکراوەی (119 و 124)ی کەڵەکن و شەقامی سەرەکیی هەواری شارە".

 

ئەوەشی خستووەتەڕوو "کاری بڕین و پڕکردنەوە و دروستکردنی ئاوەڕۆی باراناو و کۆنکرێتکردنی شەقامەکە لە سنووری شارەوانیی سلێمانی خەرجدەکرێت".

ر.ع