مەودا میدیا-
بافڵ تاڵەبانی، سەرۆكی یەكێتی نیشتمانی كوردستان پەیامێكی توندی لەبارەی رۆژئاواوە بڵاوكردەوە و رایگەیاند" ئەوەی لە سوریا و رۆژئاوای كوردستان دەگوزەرێت مایەی قبوڵ نییە". 

دەقی پەیامەكە:

ئەوەی لە سوریا و رۆژئاوای كوردستان دەگوزەرێت مایەی قبوڵ نییە و دەبێت بوەستێنرێت. ئێمە بە توندی ئیدانەی ئەم كردەوە بەربەرییانەیە بەرامبەر بە گەلی كورد دەكەین.
گەلی كورد بێدەنگ نابێت و چاوپۆشی ناكات.

رۆژئاوا هەزاران كوڕ و كچی خۆی لەدەستدا لە شەڕی دژی داعشدا، بەرگری لە جیهان كرد و لە بەرامبەردا باجێكی گەورەیدا. ئەوان شایەنی رێز و كەرامەت و پاراستنی راستەقینەن.

داوا لە ولایەتە یەكگرتووەكانی ئەمریكا و گەلی ئەمریكا دەكەم بەبێ دوودڵی و بە بەرپرسیارێتییەوە مامەڵە بكەن بۆ پاراستنی خەڵكی مەدەنی و بەرقەراركردنی سەقامگیری.

بافڵ جەلال تاڵەبانی
سەرۆكی یەكێتیی نیشتمانیی كوردستان