مەودا میدیا- سازگار ئەحمەد

سنووری گوندی رەنگێنە لە قەزای شارباژێڕی سنووری پارێزگای سلێمانی بۆردوومانکرا و ئۆتۆمبێلێک بە ئامانج گیرا و ئاگر لە ناوچەکەش کەوتووەتەوە.

شاهۆ عوسمان، قایمقامی قەزای شارباژێڕ بە مەودا میدیای راگەیاند "ئێوارەی ئەمڕۆ هەینی 28ی تەموزی 2023 کاتژمێر 7:00 گوندی رەنگێنە لە قەزای شارباژێڕ ئۆتۆمبێلێک بۆردوومانکرا و بەهۆی بۆردوومانەکەوە ئاگر لە ناوچەکە کەوتووەتەوە".

ئاماژەی بەوەکرد "هێزەکانی بەرگریی شارستانی، تیمی تەندروستی و هێزە ئەمنییەکان رەوانەی سنوورەکە کراون و سەرقاڵی ئەرکەکانیانن، هەروەها تائێستاش درۆن بە ناوچەکەدا دەسوڕێتەوە".

سەلام عومەر، بەڕێوەبەری ناحیەی زەلان لە سنووری قەزای شارباژێڕ راگەیاند "چوار کەس لە ئۆتۆمبێلەکەی شارباژێڕدا بوون و گیانیان لەدەستداوە"،  تەندروستیی چوارتاش دەڵێت "چوار ژن گیانیان لەدەستداوه".

س،ر