مەودا میدیا-

پاش ئەوەی سەرۆك وەزیرانی عیراق رەوانەكردنی بەشەبودجەی هەرێمی تایبەت بە مووچەی فەرمانبەران راگەیاند، وەزارەتی دارایی وادەی راگەیاندنی لیستی مووچە و دابەشكردنی مووچەی بڵاوكردەوە.

ئەمشەو سێشەممە 1ی ئاب - 2023 سەرچاوەیەک لە وەزارەتی دارایی هەرێمی کوردستان رایگەیاند، حکومەتی عیراق زیاتر لە 900 ملیار دیناری بۆ مووچەی مووچەخۆرانی هەرێمی کوردستان ناردووە.
 
بەپێی زانیارییەكان "ئەمشەو یان سبەی چوارشەممە، لیستی مووچەی مانگی حوزەیران بە فەرمیی رادەگەیەندرێت؛ تەنها ئەوە ماوە بانکە بازرگانییەکان پارەکە لە بانکی هەرێم وەربگرن بۆ دابەشکردنی بەسەر فەرمانگەكاندا".
 
ئەوەش لەكاتێكدایە فەرمانبەرانی سەر بە بەغدا مووچەی مانگی ئاب-یان وەرگرتووە و فەرمانبەرانی هەرێمیش هەتا ئێستا مووچەخۆرانی هەرێمی کوردستان مووچەی مانگەکانی حوزەیران و تەمموزیان وەرنەگرتووە. 


ژ.ع