مەدا میدیا-

بەڕێوەبەرایەتیی کارەبارەی سلێمانی ئاشکرایکرد نرخی کارەبای موەلیدە ئەهلییەکان بۆ مانگی تەموزی ئەمساڵ دیاریکراوە و نرخەکەی لەنێوان (12) هه‌زار بۆ (13) هه‌زار دیناره‌.

لە راگەیەندراوێکدا بەڕێوەبەرایەتیی کارەبای سلێمانی رایگەیاند "به‌پێی كۆنووسی كۆبوونه‌وه‌ی لیژنه‌ی دیاریكردنی نرخی موه‌لیده‌ ئه‌هلییه‌كان، كاركردن و ته‌رخانكردنی كاره‌با له‌لایه‌ن موه‌لیده‌ ئه‌هلییه‌كانه‌وه‌ بۆ هاوڵاتییان له‌ مانگی ته‌موزدا له‌ نێوان (280) بۆ (295) كاتژمێردا بووه‌، به‌پێی نرخی سوته‌مه‌نی له‌ بازاڕه‌كاندا نرخی هه‌ر كاتژمێرێك بۆ یه‌ك ئه‌مپێڕ له‌ (44) دینار دیاریكراوه‌،‌ به‌مه‌ش نرخی یه‌ك ئه‌مپێڕ كاره‌بای موه‌لیده‌ی ئه‌هلی له‌ ناوشاری سلێمانی له‌ نێوان (12) هه‌زار بۆ (13) دینار ده‌بێت".

ئاماژە بەوەکراوە "خشته‌ی كارپێكردنی موه‌لیده‌ و پێدانی كاره‌با به‌جێگیری ده‌مێنێته‌وه‌ واته‌ هه‌ر كاتێك كاره‌بای نیشتمانی كوژایه‌وه‌ ده‌بێت موه‌لیده‌ ئه‌هلییه‌كان كاره‌با بۆ هاوڵاتییان دابین بكه‌ن".

لیژنه‌ی دیاریكردنی نرخی موه‌لیده‌ ئه‌هلییه‌كان، له‌ كۆنووسه‌كه‌دا جه‌ختیان له‌وه‌ كردووه‌ته‌وه‌ كه‌ له‌كاتی كوژاندنه‌وه‌ی كاره‌بای نیشتمانی نابێت كارپێكردنی موه‌لیده‌ و پێدانی كاره‌با به‌ هاوڵاتییان له‌ (10) خوله‌ك زیاتر بخایه‌نێت، به‌پێچه‌وانه‌وه‌ خاوه‌ن موه‌لیده‌كه‌ سزا ده‌درێت.

س.ر