مەودا میدیا- سازگار ئەحمەد

نوێنەری ژووری بازرگانی لە عەلوەی سلێمانی رایدەگەیەنێت خواست لەسەر بەرهەمی ناوخۆ و دەرەکی بەپێی جۆری بەرهەمەکە دەگۆڕێت.

عەتا محەمەد، نوێنەری ژووری بازرگانی لە عەلوەی سلێمانی بە مەودا میدیای راگەیاند "خواست لەسەر بەرهەمی ناوخۆ و دەرەکی بەپێی جۆری بەرهەمەکە دەگۆڕێت، لەئێستادا بەرهەمی سەوزەواتی خۆمان بە رێژەیەکی بەرچاو زۆرە".

ئاماژەی بەوەشکرد "بەرهەمی شووتی و کاڵەک و خەیار و باینجان بەرێژەیەکی بەرچاو زۆرن و خواستێکی باشیان لەسەرە بۆ ناوەڕاست و خوارووی عیراق هەناردە دەکرێن، هەروەها کار لەسەر بەرهەمی پەتاتە دەکرێت بنێردرێتە دەرەوەی هەرێمی کوردستان".

نوێنەری ژووری بازرگانی لە عەلوەی سلێمانی وتی "بەهۆی کەشوهەوای هەرێمی کوردستان و سەرمای زستانەوە هەندێک بەرهەمی میوەهاتمان کەمبوو، ئەوەی کە هەمانە هەنجیر و ترێیە کە خواستێکی زۆریان لەسەرە و نرخەکەشی لە بازاڕەکاندا هەر بەرزن".

وتیشی "بەرهەمی هەرمێش هێندەی نەماوە پێبگات، هەروەها نرخی پەتاتە و پیاز و باینجان لە بازاڕەکاندا هەرزانن، بەرهەمەکانی دیکەش نرخیان باشە و سوودی باشیان بۆ جوتیاران هەبووە".

س،ر