مەودا میدیا-

بەڕێوەبەرایەتیی پۆلیسی گەرمیان گیانلەدەستدانی كچێكی 17 ساڵی راگەیاند، كە لەمیانی مەلەكردندا ژێرئاوكەوتووە.

لە راگەیەندراوێكدا بەڕێوەبەرایەتیی پۆلیسی گەرمیان بڵاویكردەوە، ئێوارەی ئەمڕۆ هەینی 4ی ئاب-2023 کچێک بەناوی (ئایە لوقمان حسێن) لەدایکبووی 2006 لە بەنداوی توڕەجاف لە گوندی چیاچەرموو سەر بەناحییەی باوەنوور خنکا.
 
ئاماژەی بەوەشكردووە، بە وتەی کەسوکاری ئەو كچە، دانیشتووی گوندی گۆڕی ئەسپە و لەگەڵ کەسوکارەكەی  بە سەردان چوونەتە گوندی چیاچەرموو.

ئەوەش روونكراوەتەوە، لە گوندی چیاچەرموو لەکاتی مەلەکردندا ئەو كچە خنکاوە و لەئێستادا تەرمەکەی دەرهێنراوە و بەمەبەستی توێکاریی رەوانەی پزیشکی دادوەریی قەزای کەلار دەکرێت.

ژ.ع