مەودا میدیا - 

 

وتەبێژی وەزارەتی پەروەردەی هەرێمی کوردستان رایدەگەیەنێت لەبەر بەرژەوەندیی گشتیی تۆمارکردن و ناونووسینی خوێندکارانی قۆناغی یەکەمی بنەڕەتی درێژکراوەتەوە.

 

ئەمڕۆ یەکشەممە 6ی ئابی 2023 سامان سیوەیلی، وتەبێژی وەزارەتی پەروەردەی هەرێمی کوردستان رایگەیاند  "لەبەر بەرژەوەندیی گشتیی، تۆمارکردن و ناونووسین بۆ خوێندکارانی قۆناغی یەکی بنەڕەتی تاوەکو رۆژی پێنجشەممەی داهاتوو بەرواری 10ی ئابی 2023 درێژکرایەوە".

 

ئەمەش لەکاتێکدایە، ساڵانە وەزارەتی پەروەردە وادەیەک دادەنێت تاوەکو دایکان و باوکان خوێندکارەکانیان ناونووس بکەن بۆ پۆلی یەکی بنەڕەتی و دواتر ناوەکانیان دەخرێتە ناو سیستمی پەروەردەوە و ئامادەکاریی بۆ دەکرێت.

ر.ع