کوردستانی
ئاوات شێخ جەناب وەک وەزیری کار و کاروباری کۆمەڵایەتی دەستبەکاربوو
مەودا میدیا - سلێمانی |
مەودا میدیا -
ئەمڕۆ ئاوات شێخ جەناب، وەزیری دارایی و ئابووری حکومەتی هەرێمی کوردستان لەبری کوێستان محەمەد، وەزیری کار و کاروباری کۆمەڵایەتی بە وەکالەت دەستبەکاربوو.
ئەمڕۆ یەکشەممە 13ی ئابی 2023 وەزارەتی کار و کاروباری کۆمەڵایەتی رایگەیاند "ئاوات شێخ جەناب وەک وەزیری کار و کاروباری کۆمەڵایەتی دەستبەکاربوو لە بری کوێستان محەمەد، کە لە ئێستادا لە دەرەوەی وڵاتە و پێدەچێت زیاتر لە دوو هەفتەی پێبچێت".
باسی لەوەشکردووە "لە کۆبوونەوەیەکی ئاوات شێخ جەناب لەگەڵ راوێژکاران و بەڕێوەبەرانی گشتیی وەزارەتەکەدا باسی لە زوو راییکردنی مامەڵەی هاوڵاتییان کردووە".
وتوشیەتی "ئەو ماوەیەی کە ئاوات شێخ جەناب تێیدا دەستبەکار دەبێت وەک وەزیری کار و کاروباری کۆمەڵایەتیی هیواخوازە کە کارمەندەکان هەموو تواناکانیان بخەنە گەڕ بۆ خزمەتی زیاتری هاوڵاتییان".
مەودا میدیا زانیویەتی کە ئەم دەستبەکاربوونەی ئاوات شێخ جەناب بە وەکالەتە و لە کاتی هاتنەوەی کوێستان محەمەد لە دەرەوەی وڵات کارەکان وەک خۆیان لێدێتەوە".
ر.ع
بیروڕا
