مەودا میدیا - 

 

لەلایەن کەشناسی هەرێمی کوردستانەوە کەشوهەوای ئەمڕۆ و سبەینێ بڵاوکرایەوە و بەپێی پێشبینییەکان بێت ئاسمان بە گشتیی ساماڵ دەبێت و تۆزێکی سووکیش بوونی دەبێت.

 

ئەمڕۆ سێشەممە 15ی ئابی 2023 بەڕێوەبەرایەتیی گشتیی کەشناسی و بومەلەرەزانیی هەرێمی کوردستان رایگەیاند "ئاسمانی هەرێم بە گشتیی ساماڵ دەبێت و بەرزبوونەوەیەکی تۆز و خۆڵیش دەبێت بە سووکی، پلەکانی گەرما نزیک دەبنەوە لە تۆمارکراوەکانی رۆژانی پێشووتر و خێرایی با زیاد دەکات و لە نێوان 10 بۆ 30 کیلۆمەتردا دەبێت".

 

باسی لەوەشکردووە "هەروەها سبەینێ چوارشەمە، ئاسمانی هەرێمی کوردستان ساماڵ دەبێت و پلەکانی گەرماش نزیکدەبێتەوە لە تۆمارکراوەکانی ئەمڕۆ سێشەممە".

 

ئەمەش لەکاتێکدایە، لە رۆژانی رابردوودا کەشناسیی هەرێمی کوردستان رایگەیاند "پلەکانی گەرما بەهۆی هاتنی شەپۆلێکی گەرماوە دەگەنە 50 پلەی سەدی و داواشی کرد کە بۆ کاری پێویست نەبێت هاوڵاتییان لە ماڵەکانیاندا نەیەنە دەرەوە بەتایبەتی لە کاتەکانی نیوەڕۆدا".

بەرزترین پلەکانی گەرمای پێشبینیکراو بە پلەی سیلیزی:

 

هەولێر: 43 پلە

 

سلێمانی: 42 پلە

 

دهۆک: 43 پلە

 

کەرکوک: 46 پلە

 

هەڵەبجە: 45 پلە

 

زاخۆ : 44 پلە

 

سۆران : 41 پلە

 

حاجی ئۆمەران: 29 پلە

 

گەرمیان : 49 پلە
 

ر.ع