مەودا میدیا- سازگار ئەحمەد

بەپێی خشتەنامەی وەزارەتی کشتوکاڵ و سەرچاوەکانی ئاو لە هەرێمی کوردستان بێت لە ئەمڕۆ سێشەممەوە باج دەخرێتە بەرهەمەکانی هەنار و سێو

عەتا محەمەد، نوێنەری ژووری بارزگانی لە عەلوەی سلێمانی بە مەودا میدیای راگەیاند "لە ئەمڕۆ سێشەممە 15ی ئابی 2023وە
باج دەخرێتەسەر هاوردەکردنی سێو و هەنار بۆ بازاڕەکانی هەرێمی کوردستان".

ئاماژەی بەوەشکرد "ئەو باجە هیچ سوودێکی نییە جگە لە بارگرانی بۆ هاوڵاتییان، چونکە رێژەیەکی کەم باج دەچێتەسەری، ئەمڕۆ سێو لە 600 دینارەوە بوو بە 900 دینار، بۆیە دەتوانین بڵێین لە 70% زیانی هەیە و لە 50% سوودی هەیە".

بەپێی خشتەنامەی وەزارەتی کشتوکاڵ و سەرچاوەکانی ئاو لە هەرێمی کوردستان، ئەو رێکارەش تاوەکو رۆژی 1-12-2023 بەردەوام دەبێت.

 
س.ر