مەودا میدیا-

بەڕێوەبەرایەتیی ئاسایشی هەولێر دەستگیرکردنی تۆمەتبارێکی راگەیاند بۆ تۆمەتی بەکارهێنان و بازرگانیکردن بە مادەی هۆشبەر.

لە راگەیەندراوەکەی ئاسایشی هەولێر هاتووە "لە رێکەوتی 14ی ئابی 2023 تۆمەتبار (ت، ص ، ع) کە فەرمانی دەستگیرکردنی بۆ دەرکرابوو لە لایەن دادوەری لێکۆڵینەوەی ئاسایشی هەولێر بە تۆمەتی بازرگانیکردن و بەکارهێنانی مادەی هۆشبەر، لەکاتی دەستگیرکردنی لە گەڕەکی هەڤاڵانی شاری هەولێر، هەوڵیدا بە ئۆتۆمبێلەکەی لەدەست هێزەکانمان هەڵبێت و بۆ خۆدەربازکردن، خۆی بە چەند ئۆتۆمبێلێکی هاوڵاتییانی ئەو گەڕەکەدا کێشا، بەڵام لە لایەن هێزەکانمانەوە رێگری لێکراو  دەستگیرکرا".

ئاماژە بەوەکراوە "لەکاتی دەستگیرکردنیدا دەست بەسەر ئۆتۆمبێلەکەی و بڕێک مادەی هۆشبەر لە جۆری (کریستاڵ) و ئامێری پێوانەکردن و کەلوپەلی بەکارهێنانی مادەی هۆشبەردا گیرا".

س.ر