مەودا میدیا -

 

بەڕێوەبەرایەتیی ئاسایشی گشتیی سلێمانی رایدەگەیەنێت بەڕێوەبەرایەتیی ئۆپراسیۆنەکانی دەزگای ئاسایشی هەرێم و فەوجی چواری هێزەکانی کۆماندۆ، ئۆپراسیۆنێکی فراوانیان لەبەرەی رۆژهەڵاتی کەرکوک ئەنجامدا.

 

ئەمڕۆ هەینی 18ی ئابی 2023 بەڕێوەبەرایەتیی ئاسایشی گشتیی سلێمانی  رایگەیاند "بەمەبەستی کێوماڵکردن و گەڕاندنەوەی ئارامیی زیاتر بۆ ناوچەکە، بەڕێوەبەرایەتی ئۆپراسیۆنەکانی دەزگای ئاسایشی هەرێم و فەوجی چواری هێزەکانی کۆماندۆ، ئۆپراسیۆنێکی فراوانیان لەبەرەی ڕۆژهەڵاتی کەرکوک ئەنجامدا".

 

باسی لەوەشکردووە "مەبەستی سەرەکیی لەم ئۆپەراسیۆنە لەناوبردنی حەشارگە و پاشماوەکانی داعش بووە و ئۆپەراسیۆنەکە کاتژمێر 3:30 خولەکی بەرەبەیانیی ئەمڕۆ لە سێ قۆڵەوە ئەنجامدراوە".

 

روونیشی کردووەتەوە "ئۆپەراسیۆنەکە لە ناوچەی کۆڵەکان و چەمی رۆخانە و نزیک لە پردی عوسمانلی ئەنجامدراوە، ئەم کێوماڵە فراوانەی هێزەکانی ئۆپراسیۆن لەو بۆشاییە ئەمنییەی کە دەکەوێتە نێوان هێزەکانی پێشمەرگە و هێزە عێراقییەکان کراوە".

 

بەڕێوەبەرایەتیی ئاسایشی گشتیی سلێمانی وتوشیەتی " ئەم هەڵەمەتانە بەردەوامی دەبێت لەپێناو گەڕاندنەوەی ئارامی و لەناوبردنی حەشارگەو پاشماوەکانی داعش".

ر.ع