مه‌ودا میدیا - 

وه‌زاره‌تی ته‌ندرووستیی فه‌ڵه‌ستین ئه‌مڕۆ شه‌ممه‌ له‌ راگه‌یه‌ندراوێكدا په‌یامێكی ئاراسته‌ی كۆمه‌ڵگه‌ی نێوده‌وڵه‌تیی كرد و تێیدا دۆخی ته‌ندرووستیی خه‌ڵكی ئه‌و شاره‌ی روونكرده‌وه‌. 

وه‌زاره‌تی ته‌ندرووستی فه‌ڵه‌ستین له‌ راگه‌یه‌ندراوه‌كه‌دا بۆ كۆمه‌ڵگه‌ی نێوده‌وڵه‌تیی ئه‌وه‌ی خستووه‌ته‌ڕوو، كه‌ پێویسته‌ نه‌خۆشخانه‌كان له‌ بۆردوومانی ئیسرائیل بپارێزرێن، له‌كاتێكدا كه‌ نه‌خۆشخانه‌كان چۆڵكراون و ناتوانن خزمه‌تی قوربانیان بكه‌ن و ئۆتۆمبێله‌كانی فریاكه‌وتنیش له‌كارخراون.

ئه‌وه‌ش له‌كاتێكدایه‌ كه‌ هه‌شت رۆژ به‌سه‌ر هه‌ڵگیرسانی شه‌ڕی نێوان ئیسرائیل و بزووتنه‌وه‌ی حه‌ماسدا تێپه‌ڕیوه‌ و هێشتا به‌رده‌وامیی هه‌یه‌ و له‌سه‌ر ئاستێكی لاواز هه‌وڵدان هه‌یه‌ بۆ راگرتنی ئاگربه‌ست كه‌ زیاتر له‌شێوه‌ی لێدوان و په‌یامی میدیاییدایه‌.