مه‌ودا میدیا -

حكومه‌تی قه‌ته‌ر و تاران كۆبوونه‌وه‌ و سه‌باره‌ت به‌ دۆخی ئێستای گرژیی و پێكدادانی نێوان فه‌ڵه‌ستین و ئیسرائیل گفتوگۆیان كرد و له‌و چوارچێوه‌یه‌دا قه‌ته‌ر هۆشدارییدا له‌باره‌ی ته‌شه‌نه‌كردنی زیاتری دۆخه‌كه‌.

به‌گوێره‌ی سه‌رچاوه‌كانی هه‌واڵ، ته‌میم بن حه‌مه‌د، ئه‌میری قه‌ته‌ر له‌ دیدار له‌گه‌ڵ ئه‌میر حسین عبدوڵاهیان، وه‌زیری ده‌ره‌وه‌ی ئێران، ئاماژه‌ی به‌ دوا گۆڕانكارییه‌كانی سه‌ر شاری غه‌زه‌ كردوو و هۆشدارییداوه‌، ئه‌گه‌ر ئیسرائیل شاری غه‌زه‌ داگیربكات، ئه‌وا هیچ زه‌مانه‌تێك نییه‌ بۆ دۆخه‌كه‌ و هیچ كه‌سێك ناتوانێت كۆنترۆڵی بكات.

ئه‌وه‌ش له‌كاتێكدایه‌، گرژیی نێوان ئیسرائیل و فه‌ڵه‌ستین پێی ناوه‌ته‌ نۆیه‌م رۆژ و زیانێكی گیانیی و مادیی به‌رچاو به‌ر هه‌ردوولا كه‌وتووه‌.