مه‌ودا میدیا - 

ده‌نگدانی گشتیی بۆ هه‌ڵبژاردنی ئه‌نجومه‌نی پارێزگاكانی عیراق كۆتاییهات و وه‌زاره‌تی ناوخۆی عیراق سه‌باره‌ت به‌ گواستنه‌وه‌ی سندوقه‌كانی ده‌نگدان په‌یامێكی ئاراسته‌ كرد.

عه‌بدولئه‌میر شه‌مه‌ری، وه‌زیری ناوخۆی عیراق داوای له‌ هێزه‌ ئه‌منییه‌كان كرد، ئاماده‌كاری بكه‌ن به‌مه‌به‌ستی چاودێریكردنی گواستنه‌وه‌ی سندوقه‌كانی ده‌نگدان بۆ نوسینگه‌كانی كۆمسیۆنی باڵای سه‌ربه‌خۆی هه‌ڵبژاردنه‌كان له‌ پارێزگاكان.

پێشتر لایه‌نه‌ په‌یوه‌ندیداره‌كان رایانگه‌یاند، كه‌ هێزی ئه‌منیی تایبه‌ت ته‌رخانكراوه‌ بۆ چاودێرییكردن و گواستنه‌وه‌ی سندوقه‌كانی ده‌نگدان بۆ نوسینگه‌كانی كۆمسیۆن له‌ پارێزگاكاندا.