مەودا میدیا-

لەبارەی کێشەی مووچەی مووچەخۆرانی هەرێمی کوردستان ئەندامێکی لیژنەی دارایی ئەنجومەنی نوێنەرانی عیراق زانیاری نوێ دەخاتەڕوو.

فەیسەڵ نائلی، ئەندامی لیژنەی دارایی ئەنجومەنی نوێنەرانی عیراق بە رۆژنامەی "سەباح"ی رایگەیاندووە "بودجەی ساڵی رابردوو روون بوو سەبارەت بە پشک و مووچەی فەرمانبەرانی هەرێمی کوردستان بەوەی کە لە حاڵەتی دواکەوتنی شایستە داراییەکانی هەر پارێزگایەک ئەو پارێزگایە دەتوانێت داوا بکات پارەی بۆ رەوانە بکرێت".

ئەو ئەندامەی ئەنجومەنی نوێنەرانی عیراق روونیکردووە "حکومەتی فیدراڵ پرسی مووچەی هەرێم چارەسەر دەکات و رێوشوێنی یاسایی گونجاو لەو بارەیەوە دەگرێتەبەر".

بەپێی زانیارییەکانی مەودا میدیا بێت، هەفتەی داهاتوو 618 ملیار دینارەکەی بەغدا دەگاتە هەرێمی کوردستان و دەست بە دابەشکردنی مووچەی فەرمانبەرانی هەرێمی دەکرێت.

س،ر