مەودا میدیا-
لە راگەیەنراوێكدا سەرۆكی دادگای باڵای فیدراڵیی عیراق رایگەیاند، پێویستە فەرمانبەران و خانەنشینانی هەرێمی كوردستان هاوشێوەی فەرمانبەرانی عێراق هەمان مافیان هەبێت.

لە راگەیەندراوەكەدا ئاماژە بۆ ئەوەش كراوە، دادوەر جاسم محەمەد عەبود، سەرۆكی دادگای باڵای فیدڕاڵیی عیراق وتویەتی، نەوت و غاز موڵكی هەموو گەلی عیراقە و پپێویستە داهاتەكانی نەوت و سامانەكان بۆ هەموو گەلانی عیراق بێت.

بەگوێرەی راگەیەندراوەكە، ئەركی دادگای باڵای فیدراڵیی لەئێستادا تەنها بریتیی نییە لە جێبەجێكردنی تەواوەتی دەستوور، بەڵكو بەدیهێنانی بەرژەوەندیی باڵای گەل و نیشتمان و پاراستنی یەكگرتوویی خاكی عیراقە. 

راگەیەنراوەكە ئاماژەی بۆ ئەوەش كردووە، كە دەبێت مووچە و مافی هەموو فەرمانبەرانی هەرێم هاوشێوەی فەرمانبەرانی عیراق بێت بەبێ‌ جیاوازیی. 

ئ پ