مه‌ودا میدیا-

ئه‌ندامه‌كه‌ى پێشووى ئه‌نجومه‌نى سه‌ركردایه‌تى یه‌كێتیی، له‌باره‌ى ته‌قینه‌وه‌كه‌ى ئه‌مڕۆى سه‌رچنار كه‌ تێیدا ئۆتۆمبیله‌كه‌ى كرایه‌  ئامانج، زانیارى نوێ ده‌خاته‌ڕوو، و رایده‌گه‌یه‌نێت، ئێمه‌ سه‌لامه‌تین و هیچ زیانێكى گیانى نه‌بووه‌.

عه‌تا سه‌راوى، ئه‌ندامى پێشووى ئه‌نجومه‌نى سه‌ركردایه‌تى یه‌كێتیی رایگه‌یاند، له‌ ته‌قینه‌وه‌كه‌دا زیانى گیانى تێدا نه‌بووه‌ و ئێمه‌ سه‌لامه‌تین، به‌ڵام زیانى به‌ ئۆتۆمبیلى هاوڵاتیی گه‌یاندووه‌.

وتیشى، ئێمه‌ كه‌ سیاسه‌ت ده‌كه‌ین چاوه‌ڕوانكراویش ده‌بێت ئه‌و حاڵه‌تانه‌مان رووبه‌روو بێته‌وه‌ و ئه‌وه‌ى ئه‌مڕۆ كراوه‌ كارێكى ترسنۆكانه‌ بوو.

نیوه‌ڕۆى ئه‌مڕۆ له‌ گه‌ڕه‌كى سه‌رچنارى شارى سلێمانى، له‌ ته‌قینه‌وه‌یه‌كدا ئۆتۆمبیله‌كه‌ى عه‌تا سه‌راوى، كرایه‌ ئامانج و دوو ئۆتۆمبیلی تریش زیانى پێگه‌یشتووه‌.

پ ح ع