مه‌ودا میدیا-

به‌پێی راگه‌یه‌ندراوێكى وەزارەتی دارایی عیراق، شەش هەزار و 71 خانەنشینی مەدەنیی و سەربازیی لەلایەن دەستەی خانەنشینی نیشتمانییەوە پاداشت ده‌كرێن، هاوكات مانگی رابردوویش پێنج هەزار و 740 خانەنشینی مەدەنیی و سەربازیی پاداشت كران.

وەزارەتی دارایی عیراق بڵاویکردەوه‌ "لە چوارچێوەی پلانی پێدانی پاداشت بە خانەنشینان دوای 48 کاتژمێر لە وەرگرتنی مووچەکانیان، لەلایەن دەستەی خانەنشینی نیشتیمانییەوە دەست بە خەرجکردنی پاداشتی خانەنشینان دەکرێت".

ئه‌وه‌ش هاتووه‌ "پێدانی پاداشت شەش هەزار و 71 خانەنشینی مەدەنیی و سەربازیی و هێزەکانی ئاسایش دەگرێتەوە کە لە چوارچێوەی مووچەی مانگی حوزەیراندایە".

له‌ راگه‌یه‌ندراوه‌كه‌دا ئه‌وه‌شخراوه‌ته‌ڕوو "ئەو خانەنشینانە لە رێگەی کورتەنامەیەکەوە ئاگادار دەکرێنەوە و پێویستە سەردانی بانکەکان یاخود ئامێرەکانی راکێشانی پارە بکەن و پاداشتەکانیان وەربگرن".

ئه‌مه‌ له‌ كاتێكدایه‌، مانگی ئایاریش، دەستەی خانەنشینی نیشتیمانی عیراق لە چوارچێوەی مووچەی مانگی نیساندا دەستیکرد بە خەرجکردنی پاداشت بۆ پێنج هەزار و 740 خانەنشینی مەدەنیی و سەربازیی.

پ ح ع