مه‌ودا میدیا-

سبەینێ دووشه‌ممه‌، دادگای فیدراڵیی له‌ كۆبوونه‌وه‌كه‌یدا تاوتوێی سكاڵایه‌ك ده‌كات، كە  محەمەد شیاع سودانی، سەرۆك وەزیرانی عیراق تۆمارى كردووه‌، لە سەر ماددەیەكی یاسای بودجە. 

بەپێی ئەو خشتەیەی دادگای فیدراڵیی عیراق بڵاویكردووەتەوە، سودانی، سكاڵاكەی لەسەر سەرۆكی ئەنجومەنی نوێنەرانی عیراق تۆماركردووە و داوای كردووە ماددەی 71ی یاسای بودجەی گشتیی بۆ ساڵەكانی 2023 و 2024 و 2025 بە نادەستوریی لەقەڵەم بدرێت، كە ئەو ماددەیە حكومەتی عیراقی پابەند كردبوو بەوەی تاوه‌كو رۆژی 30ی تشرینی دووەمی 2023 كۆتایی بە كاری بە وەكالەتی سەرجەم بەڕێوەبەرەكان بهێنێت و پۆستەكان بە وەكالەت بەڕێوەنەبرێن. 

هاوكات، دەرماڵەكانی دەسەڵاتە كارگێڕییەكان رابگیرێن، بەڵام دوای تێپەڕبوونی چەندین مانگ، هێشتا رانەگیراون".

پ ح ع