مه‌ودا میدیا- 

خۆبه‌خشانى ته‌ندروستى بایكۆتى ده‌وامكردنیان له‌ ناوه‌نده‌كانى ته‌ندروستى داوه‌ و نوێنه‌رێكیشیان ده‌ڵێت "سبه‌ینێ سه‌رجه‌م خۆبه‌خشان و ده‌رچووه‌ دانه‌مه‌زراوه‌كانى ناوچه‌ خۆپیشاندان ده‌كه‌ن و تاوه‌كو دانه‌مه‌زرێندرێن ناچنه‌وه‌ ده‌وام".

دژوار ئیبراهیم، نوێنه‌رى خۆبه‌خشانى ته‌ندروستى له‌ چه‌مچه‌ماڵ بۆ مه‌ودا میدیا رایگه‌یاند "سبه‌ینێ چوارشه‌ممه‌، سه‌رجه‌م خۆبه‌خشانى ته‌ندروستى و ده‌رچووانى دانه‌مه‌زراوى به‌شه‌ پزیشكییه‌كان به‌ مه‌به‌ستى دامه‌زراندنیان خۆپیشاندان ئه‌نجام ده‌ده‌ن".

وتیشى "له‌ئێستادا ئه‌و خۆبه‌خشانه‌ له‌ نه‌خۆشخانه‌كانى چه‌مچه‌ماڵ و ته‌كیه‌ بایكۆتیان كردووه‌ و داوا ده‌كه‌ن به‌شێوه‌ى هه‌میشه‌یی دابمه‌زرێندرێن، نه‌ك به‌ گرێبه‌ست".

ئاماژه‌ى به‌وه‌شكرد "پێشتر رایانگه‌یاند، كه‌ وه‌ڵام نه‌درێنه‌وه‌ بایكۆت ده‌كه‌ن و كردیان، ئێستاش تاوه‌كو وه‌ڵام نه‌درێنه‌وه‌ له‌ بایكۆت به‌رده‌وام ده‌بن و ناوه‌نده‌كه‌انى ته‌ندروستى چۆڵ ده‌كه‌ن".

پ ح ع