مه‌ودا میدیا-

نرخی بەنزینی نۆڕماڵ لە پارێزگاى هەولێر داده‌به‌زێت و ئەنجومەنی بەنزینخانەکانیش هۆکارەکەى بۆ ئەوە دەگەڕێنێتەوە کە رێژەی ئەو بەنزینەی رۆژانە دەدرێت بە بەنزینخانەکان زیاد کراوە.

جەنگی مەجید، سەرۆکی ئەنجومەنی بەنزینخانەکانی هەولێر رایگه‌یاندووه‌ "له‌ ئێستادا نرخی هەر لیترێک به‌نزین بە 750 دینار بە شۆفێران دەفرۆشرێت و هۆكاره‌كه‌شى ئه‌وه‌یه‌ رێژەی ئەو بەنزینەی رۆژانە دەدرێت بە بەنزینخانەکان، زیاد کراوە".

وتیشى "لەمەودوا ژماره‌ى ئه‌و تانكه‌رانه‌ى دەدرێت بە بەنزینخانەکان، رۆژانە ده‌بێته‌ 20 تانکەرو ئه‌وه‌ش دەکاتە 720 هەزار لیتر".

ئاماژه‌ى به‌وه‌شكردووه‌ "به‌نزینه‌كه‌ش كوالێتییەکی زۆر باشی هەیە و هیچ گرفتێك بۆ ئۆتۆمبێل دروست ناکات".

پ ح ع