مه‌ودا میدیا-

به‌ڕێوه‌به‌رى گشتیی كاره‌با پارێزگاى سلێمانى رایگه‌یاند، ئه‌وانه‌ى پرۆژه‌ى رووناكییان بۆ كراوه‌ پاره‌ى كه‌مییان بۆ گه‌ڕاوه‌ته‌وه‌.

ئەنوەر حەمە سەعید، بەرێوەبەری گشتیی کارەبای سلێمانی رایگه‌یاند "لەو نرخەی كارەبادا كە بەم دواییانە ئەنجومەنی وەزیرانی هەرێم پەسەندیكرد، حكومەتی هەرێم قازانج لە پارەی كارەبا ناكات".

وتیشى "له‌ 93%ی هاوبەشانی كارەبا، ئەو پارەیەی كە تاوەكو ئێستا لە پڕۆژەی رووناكی بۆیان گەڕاوەتەوە لەنێوان 25 بۆ 50 هەزار دیناردا بووە، لەكاتێكدا، ئەو نرخە زیاتریش بووە لەو نرخەی كە حكومەتی هەرێم پەسەندیكرد".

پێشتر ئه‌نجومه‌نى وه‌زیران نرخى كاره‌باى پرۆژه‌ى رووناكى په‌سه‌ندكرد كه‌ له‌ 72 دیناره‌وه‌ بۆ 350 دینار ده‌بێت و له‌ هاوین و زستان به‌تایبه‌تى هاوڵاتییان مانگانه‌ له‌ 150 هه‌زاره‌وه‌ بۆ 400 هه‌زار دینار پاره‌ى كاره‌بایان له‌سه‌ر ده‌كه‌وێت.

ع