مەودا میدیا-

بەپێی هەواڵێكی سایتی سی ئێن ئێنی ئەمریكی، زیاتر 50 رۆژنامەنووس لە وڵاتی هیندستان دوای ئەوەی پشكنینی ڤایرۆسی كۆرۆنایان بۆكراوە دەركەوتووە تووشی ڤایرۆسەكە بوون.

سایتە ئەمریكییەكە باسی لەوەكردووە "53 رۆژنامەنوس لە وڵاتی هیندستان پشكنینیان بۆ كراوە و دواتر پشكنینەكەیان پۆزەتیڤ دەرچووە واتە هەڵگری ڤایرۆسەكەن".

باسی لەوەشكردووە "حاڵەتەكان لە شاری مۆمبای ئەو وڵاتە تۆماركراوە و بەشی زۆریشیان كامێرامان و فۆتۆگرافەرەن".

لە شارۆی مۆمبای هیندستان زیاتر لە 167 رۆژنامەنوس پشكنینیان بۆ كراوە بەڵام تەنیا ئەو ژمارە هەڵگری ڤایرۆسەكە بون.