مەودا میدیا-
نیوەڕۆی ئەمڕۆ لەسەر رێگای كەلار-دەربەندیخان لە نزیك گوندی تازەدێ ئۆتۆمبێلێك وەرگەڕا و بەهۆیەوە ژنێك گیانیلەدەستدا. 

رەفیق قادر، بەڕێوەبەری نەخۆشخانەی فریاكەوتنی شەهید هەژار بە مەودا میدیای راگەیاند"لەسەر رێگای كەلار-دەربەندیخان و بە دیاریكراوی لە نێوان گوندەكانی تازەدێ‌ و بەرلوت ئۆتۆمبێلێك وەرگەڕاوە و دەستبەجێ‌ ژنێكی سەرنشینی ئۆتۆمبێلەكە گیانیلەدەستداوە.

وتیشی"ئۆتۆمبێلەكە تەنها دایك و كوڕێكی تێدا بووە، واتا ئەو ژنەی كە گیانی لەدەستداوە دایكی شۆفێرەكەیە". 

ئاماژەی بۆ ئەوەشكرد"ژنەكە ناوی سەمیرە ئەحمەد-ە و دانیشتووی ناحیەی جەلەولان. 

باسی لەوەشكرد"شۆفێرەكە ئێستا لە نەخۆشخانەی فریاكەوتنی شەهید هەژارە و لەژێر چاودێری پزیشكیدایە و دۆخی تەندروستی باشە". 
ئ پ