مەودا میدیا- سێوە نادر

دوای 43 ساڵ چاوەڕوانیكردن، هاوسەری ژنێك رایگەیاند سەرەڕای ئەوەی خێزانەكەی تەمەنی 68 ساڵە، كەچی منداڵی دوانەیان بووە.

نوح ئەدۆنیگا (70 ساڵ)، هاوسەری مارگرێت ئەدۆنیگای تەمەن 68 ساڵە و چیرۆكەكەیان لە نەیجیریاوە دەستپێدەكات، كاتێك منداڵیان نابێت و بۆ بەدیهێنانی ئەو خەونەشیان روودەكەنە بەریتانیا، لەوێش بەهۆی وەرگرتنی چارەسەرەوە و دوای نزیكەی ساڵێك منداڵی دووانەیان دەبێت.

نوح و مارگرێت ناتوانن دڵخۆشی خۆیان بشارنەوە و ئەوەشیان وتووە دووانەكەیان تەندروستە، بۆیە نەخۆشخانەی فێركاری زانكۆی لاگۆس-یان بەجێهێشتووە.