مەودا میدیا-

سەرۆک وەزیرانی بەریتانیا رایگەیاندووە پزیشکەکان پێیان وتوە تەندروستی باشە و دەتوانێت بگەڕێتەوە سەر کارەکەی خۆی، ئەمەش دوای ئەوەدێت لە کۆتایی مانگی رابردوو سەرۆک وەزیران تووشی ڤایرۆسی کۆرۆنا بووە و باری تەندروستی جێگیر نەبوو و خرایە ژێر چاودێری وردی پزیشکیەوە.

بۆریس جۆنسن، سەرۆک وەزیرانی بەریتانیا بە یاریدەدەرەکەی راگەیاندووە "پزیشکەکانی پێیان وتووە  باری تەندروستیی باشە و ئێستا دەتوانێت بگەڕێتەوە سەر کارەکەی".

 

ئاماژەی بەوەشکردووە "بەنیازە رۆژی دووشەممە بگەڕێتەوە نووسینگەی سەرۆک وەزیران و دەست بە کارەکانی بکاتەوە، هەروەها سەرۆکایەتیی هەڵمەتی حکومەتی بەریتانیا دەکات لە رووبەڕووبوونەوەی ڤایرۆسی کۆرۆنا".