مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێم کەشی پێشبینیکراوی 48 کاتژمێری داهاتووی بڵاوکردەوە.

کەشناسی هەرێم رایگەیاند "ئەمڕۆ کاریگەرى ئەم شەپۆلى باران بارینەى رووى لە هەرێم کردووە بەردەوامى دەبێت و ئاسمان بە گشتیى هەورى تەواو دەبێت , بارانبارین لە هەندێک کات بەشێوەى نمە بارانى پچڕ پچڕ دەبێت لە زۆربەى ناوچە جیاجیاکان".

ئاماژەی بۆ ئەوەشکرد "ئاستى دابارین لە ناوچە شاخاوییەکان زیاتر دەبێت , لە دواى نیوەڕۆ ئاستى باران زیاتر دەبێت لەسەر بەشێک لە سنوورى باشوورى پارێزگاى هەولێر و پارێزگاى کەرکوک  و هەروەها بەشێک لە ئیدارەى گەرمیان , لە کاتى باران بارین ئەگەرى هەورە تریشقەش هەیە,  لە شەودا کاریگەرى ئەم شەپۆلە کۆتایى دێت".

ئەوەشی خستەڕوو "سبەینێ  لە کاتەکانى بەرەبەیان ئەگەرى دروستبوونى تەم هەیە لەسەر زۆربەى ناوچە شاخاوییەکان , پاشان ئاسمان دەگۆڕێت بۆ ساماڵ و پەڵە هەور و کاریگەرى شەپۆلى باران بارین کۆتایى دێت لەسەر ناوچەکانی هەرێمی کوردستان".

کەشناسی پلەکانی گەرمای لەنێوان شار و ناوچەکاندا بەمشێوەیە خستووەتەڕوو":

هەولێر : 21 پلەی سیلیزی
سلێمانی : 17 پلەی سیلیزی
دهۆک : 17 پلەی سیلیزی
زاخۆ  : 17  پلەی سیلیزی
کەرکوک : 20 پلەی سیلیزی 
هەڵەبجە : 19 پلەی سیلیزی
سۆران : / 18پلەی سیلیزی
حاجی ئۆمەران : 9 پلەی سیلیزی
گەرمیان : 22 پلەی سیلیزی

ب ح