مەودا میدیا-

ئەندامێکی پەرلەمانی کوردستان ئاشکرایکرد بەرەو کۆتاییهاتنی رۆژەکانی مانگی 11 دەچن و تاوەکو ئێستا حکومەتی ماوە بەسەرچووی هەرێم 120 ملیارەکەی رادەستی بەغدا نەکردووە.

عومەر گوڵپی، ئەندامی پەرلەمانی کوردستان بە مەودا میدیای راگەیاند "تاوەکو ئێستا بەرپرسانی حکومەتی ماوەبەسەرچووی هەرێم هیچ هەنگاوێکیان بۆ دابینکردنی مووچەی مانگی ئەیلول(9) نەناوە".

ئاماژەی بۆ ئەوەشکرد "چارەنووسی مووچەی مانگەکانی (10، 11 و 12)ی ئەمساڵی مووچەخۆرانی هەرێمی کوردستان بە نادیاری ماوەتەوە و بەرپرسانی هەرێم یاری بە قووت و مووچە و ژیانی خەڵک دەکەن".

ب ح