مەودا میدیا-

بەڕێوەبەری گشتیی دیوانی وەزارەتی ناوخۆی هەرێم داوا لە هاوڵاتییان دەکات پرۆژەکانی هاتوچۆ بە موڵکی خۆیان بزانن و پاڵپشتی بکەن، چونکە کاریگەریی لەسەر کەمکردنەوەی رووداوەکان هەبووە.

هێمن میرانی، بەڕێوەبەری گشتیی دیوانی وەزارەتی ناوخۆی هەرێم رایگەیاند "لە 20 ساڵی رابردوو ئۆتۆمبێل یەکێک بووە لە هەڕەشەکان و ساڵانە چوار هەزار روودوای هاتوچۆ تۆمارکراون".

ئاماژەی بۆ ئەوەشکرد "لە ساڵی 2022دا سێ هەزار و 706 رووداوی هاتوچۆ تۆمارکراوە کە بووەهۆی گیانلەدەستدانی 500 کەس و برینداربوونی حەوت هەزار و 250 کەسی تر".

ئەوەشی خستەڕوو "چەندین پرۆژەی ستراتیژییان بۆ کەمکردنەوەی رووداوەکانی هاتوچۆ لە (دانانی کامێرای تیژڕەویی (خاڵ بۆ خاڵ)، نۆژەنکردنەوە و دروستکردنی رێگاوبان، پردی سەلامەتی و چاکسازیی لە سیستمی مۆڵەتی شۆفێریدا جێبەجێ کردووە".

ب ح