مەودا میدیا-

سەرۆکی حکومەتی هەرێم ئاشکرایکرد رێککەوتنی هەناردەکردنەوەی نەوت کاتییە و پێویستی بە چارەسەرێکی ریشەییە، دەبێت عیراق تێبگات بە راگرتنی هەناردەی نەوت ملیاران دۆلار زیانیان کردووە و کەس براوە نەبووە.

مەسرور بارزانی، سەرۆکی حکومەتی هەرێم رایگەیاند "عیراق نەوتی هەرێمی کوردستان دەفرۆشێت و مووچە دوادەخات، هیچ دڵنیاییەکیش نییە کە جارێکی تر هەناردەکردنەوەی نەوت رانەگرێت".

ئاماژەی بۆ ئەوەشکرد "عیراق لە بەرهەمهێنانی گازدا دواکەوتووە و  لەو پرسەدا هەرێم لەپێش بەغدادەوەیە و خۆیان مامەڵە لەگەڵ پرسی گاز دەکەن و بەغدا لەجێگەی ئەوان بڕیار نادات".

ئەوەشی خستەڕوو "هەرێمی کوردستان کارەبا بە عیراق دەفرۆشێت کە دەکرێت رێککەوتنی نوێ لەوبارەیەوە بکرێت و داشکاندنیش بۆ بەغدا کراوە، بە نرخێکی کەمتر لەو کارەبایەی لە ناوچەکە مامەڵەی پێوەدەکرێت".

ب ح