مەودا میدیا-

جێگری بەڕێوەبەری کۆمپانیای سۆمۆ ئاشکرایکرد رێککەوتنی هەناردەکردنی نەوت لەنێوان هەرێم و بەغدا نوێدەکرێتەوە و هەناردەکردنی نەوتی هەرێم بەردەوام دەبێت.

حەمدی شەنگالی، جێگری بەڕێوەبەری کۆمپانیای سۆمۆ رایگەیاند "هەناردەکردنی نەوتی هەرێمی کوردستان بەشێوەیەکی ئاسایی بەردەوامە و رۆژانە نزیکەی 250 هەزار بەرمیل نەوت هەناردە دەکرێت".

ئاماژەی بۆ ئەوەشکرد "هەژمارێكی بانکی تایبەت بە دانانی داهاتی نەوتی هەرێم کراوەتەوە و حکومەتی هەرێم و بەغدا و کۆمپانیاکان بە تەواوی ئاگادارن لە هەنگاوەکانی فرۆشتن و بڕی داهات".

ئەوەشی خستەڕوو "کۆتایی ئەمساڵ ماوەی رێککەوتنەکەی نێوان هەرێم و بەغدا  تەواو دەبێت، بەڵام دواتر نوێ دەکرێتەوە، ساڵی داهاتووش هەناردەکردنی نەوتی هەرێم لە رێگەی سۆمۆوە بەردەوام دەبێت".

ب ح