مەودا میدیا-

هاوسەرۆکی پێشووتری هەدەپە لەرێی پارێزەرەکانییەوە نامەیەکی بڵاوکردەوە و نیگەرانە لەو کەسانەی کە وتەکانی دەشێوێنن و بەناوی ئەوەوە لێدوان دەدەن.

سەڵاحەدین دەمیرتاش، هاوسەرۆکی پێشووتری هەدەپە  لە نامەکەیدا رایگەیاندووە "ئەوەی ئازاری دەدات، قسە و بیروڕا دەخەنە سەر ناوی ئەو و بڵاویدەکەنەوە".

ئاماژەی بۆ ئەوەشکردووە "دڵنیا بن، بەڕێز و بە سەربەرزییەوە هاتووەتە ئێرە، رێز و کەرامەتی خۆی نەشکاندووە و دیسانەوە بە سەربەرزییەوە لێرە دەردەچێت یان تاوەکو دواڕۆژی ژیانی لەوێ دەمێنێتەوە".

ئەوەشی خستووەتەڕوو "نۆ ساڵ لە زیندان ناخۆشی زۆری بینیوە، بەڵام "دوورکەوتنەوە لە خەباتی ئازادی، دیموکراسی و ئاشتیی گەل، لە بەرانبەر هەموو ناخۆشییەکاندا هێزی بەرگری و ئیرادەیەکی پۆڵاینی پێبەخشیوە".


ب ح