مەودا میدیا-

فەرماندەی گشتیی هێزەکانی سوریای دیموکرات (هەسەدە)  بەکارهێنانی زمانی شەڕ بۆ سەپاندنی چارەسەری تاکلایەنە قبووڵکراو نییە و ئەوەی لە حەڵەب روودەدات زەمینە سازییە بۆ گۆڕینی دیموگرافیی مەترسیدار.

مەزڵوم عەبدی، فەرماندەی گشتیی هەسەدە رایگەیاند "بەردەوامیدان بە شەڕ و زمانی جەنگ بۆ سەپاندنی چارەسەری تاکلایەنە، قبوڵکراو نییە، ئەم شێوازە پێشتریش لە کەناراوەکانی سوریا و سوەیدا بووە هۆی کۆمەڵکوژی".

ئاماژەی بۆ ئەوەشکرد "بڵاوکردنەوەی تانک و تۆپخانە لە گەڕەکەکانی شێخ مەقسود و ئەشرەفییە، بۆردومانکردنی خەڵکی مەدەنی و بێچەک و ئاوارەکردنیان، ە کاتی بەڕێوەچوونی پرۆسەی دانوستاندندا، دەرفەتەکانی گەیشتن بە لێکتێگەیشتن لەناودەبات".

ئەوەشی خستەڕوو "ئەم دۆخە زەمینە دەڕەخسێنێت بۆ گۆڕانکاریی دیموگرافیی مەترسیدار و مەدەنییە گەمارۆدراوەکانی ئەو دوو گەڕەکە رووبەڕووی مەترسیی کۆمەڵکوژی دەکاتەوە، لەگەڵ وەستان لە تەنیشت خەڵکی شێخ مەقسود و ئەشرەفییە، "ماوەی چەند رۆژێکە لەگەڵ هەموو لایەنەکان کاردەکەن بۆ راگرتنی ئەم هێرشانە".

ب ح