مەودا میدیا-

وتەبێژی پارتی سۆسیال دیموکراتی کوردستان ئاشکرایکرد شێخ مەقسود و ئەشرەفییە هێڵی پێشەوەی بەرگریی نەتەوەیی و ئازادی و دیموکراسیی و پێکەوە ژیانە.

 د.فەرهاد تۆفیق، وتەبێژی پارتی سۆسیال دیموکراتی کوردستان بە مەودا میدیای راگەیاند "دوژمنانی کورد و دژە ئازادی چاویان بەبوون و پێشکەوتن و شارستانییەتی کورد و دەسەڵاتی خۆبەڕێوەبەری کورد هەڵنایەت، بۆیە بەهەموو شێوەیەک ئامادەن بەگیانی خۆیان هاوکارو بەرگریکار بن لە خاک و خەڵکی کوردستان".

ئاماژەی بۆ ئەوەشکرد " بەدنەدان و پاڵپشتی نەیارانی کورد، هەوڵی داگیرکاری و شکاندنی هێڵی بەرگریی گەڕەکە کوردنشینەکان و گۆڕین و کەمکردنەوەی ناوچەو سنووری ئازادی دیموکراسی و پێکەوەژیان دەدەن".

ئەوەشی خستەڕوو "پارتی سۆسیال دیموکراتی کوردستان وێڕای ئەوەی بەتووندی ئیدانەی ئەم هێرشە دوژمنکارانە دەکات، هاوکات داوا لە هێزە کوردییەکان دەکات دانایانەو قارەمانانە بەرگری بکەن و بڕیاری دروستبدەن و هەمیشە بە ئاگابن کە تەنها کورد دۆستی کوردە".

ب ح