مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێم، پێشبینییەکانی بۆ کەشوهەوای 48 کاتژمێری داهاتوو بڵاوکردەوە.

کەشناسیی هەرێم رایگەیاند "ئەمڕۆ ئاسمانی هەرێم بەگشتیی نیمچە هەور دەبێت، تەمومژێکی چڕ لە ناوچە سنوورییەکانی رۆژهەڵات و سەنتەری پارێزگای سلێمانی دروست دەبێت و تا درەنگانی شەو بەردەوام دەبێت".

ئاماژەی بۆ ئەوەشکرد "ئێوارەی ئەمڕۆ کاریگەریی شەپۆلێکی نوێی دابارین سەرەتا لە پارێزگای دهۆکەوە بە نمەباران دەستپێدەکات و لە ناوچە شاخاوییە سنوورییەکانیش بەفر دەبارێت، پاشان لە درەنگانی شەو ناوچەکانی ناوەڕاستی هەرێم دەگرێتەوە".

ئەوەشی خستەڕوو "سبەینێ ئاسمانی هەرێم دەبێتە هەوری تەواو و بارانبارین سەرتاسەری ناوچە جیاجیاکان دەگرێتەوە، لە ناوچە شاخاوییە بەرزەکانیش بەفر دەبارێت، پێشبینی دەکرێت تاوەکو رۆژی چوارشەممە بەردەوام بێت".

کەشناسی پلەکانی گەرمای لەنێوان شار و ناوچەکاندا بەمشێوەیە خستووەتەڕوو:
هەولێر 14پلەی سیلیزی 
پیرمام 12پلەی سیلیزی
سۆران 6 پلەی سیلیزی 
حاجی ئۆمەران 2- پلەی سیلیزی 
سلێمانی 10 پلەی سیلیزی
چەمچەماڵ 12 پلەی سیلیزی
دهۆک 11 پلەی سیلیزی
زاخۆ 12 پلەی سیلیزی 
کەرکوک 14 پلەی سیلیزی 
هەڵەبجە : 13 پلەی سیلیزی
گەرمیان  : 16 پلەی سیلیزی

ب ح