مەودا میدیا-

تەندروستی کۆیە لە راگەیەندراوێکدا ئەنجامی پشکنینی 100 کەسی راگەیاند کە نێگەتیڤ بوون و هەڵگری ڤایرۆسی کۆرۆنا نەبوون و بەشداری پرسەی تووشبوویەکی کۆرۆنایان کردووە.

بەڕێوەبەرایەتی گشتی تەندروستی كۆیە لە راگەیەندراوێکدا  ئەنجامی پشكنینی قۆناغی دووەمی  بەشداربووانی پرسەی ئەو هاوڵاتییەی راگەیاند كە لە چەند رۆژی رابردوودا كۆچی دوایی كرد و دەركەوت هەڵگری ڤایرۆسی كۆرۆنا بووە،  ئاشكرایكرد "لەقۆناغی دووەمدا 100 بەشداربووی تری پرسەكە پشكنینیان بۆ كراوە و ئەنجامی پشكنینی سەرجەمیان نێگەتیڤ بوو، واتا هیچ كامیان هەڵگری ڤایرۆسی كۆرۆنا نەبوون".

جێگای ئاماژەیە، لەچەند رۆژی رابردوودا دوای ئەوەی هاوڵاتییەك لەشاری كۆیە كۆچی دوایی كرد، دواتر ئەنجامی پشكنینەكانی دەرچوو و دەركەوتبوو هەڵگری ڤایرۆسی كۆرۆنابووە، بەو هۆیەوە بەڕێوەبەرایەتی گشتی تەندروستی كۆیە داوای لەسەرجەم بەشداربوانی پرسەكەكرد كەپشكنینی تایبەت بەڤایرۆسی كۆرۆنا ئەنجامبدەن.